БИШКЕК. Шайлоо кодексине ылайык президенттик шайлоого катыша турган талапкерлерди көрсөтүү мөөнөтү 26-майда соңуна чыгат. Ал эми талапкерлерди каттоо үчүн шайлоочулардын колун топтоо 2-июнга чейин улантылат. Бул тууралуу Борбордук шайлоо комиссиясынан 25-апрелде кабарлашты. Президенттик шайлоого учурда баш-аягы жети адам катыша тургандыгын ачык жарыялашты. Алардын арасында Темирбек Акматалиев, Нурбек Турдукулов, Курманбек Бакиев, Феликс Кулов, Баяман Эркинбаев, Жеңишбек Назаралиев жана Кубанычбек Апас сыяктуу саясатчылар бар.
