Алманиянын канцлери Герхард Шрөдер бүгүн Париж шаарына келип, Франция президенти Жак Ширак менен жолукту. Эки жетекчи мамлекет аралык экономикалык байланыштарды тереңдетип-кеңейтүү маселелеринен тышкары Европа биримдигинин жаңы Конституциясынан чыккан талаш-тартыштарды да талкуулады жана Шрөдер бул маселе боюнча Ширактын турумун колдоду. Акыркы сурамжылоолорго караганда, 29-май күнү өтө турган референдумда Франция эли Конституцияны жактырбай коюшу мүмкүн.