Орус президенти Владимир Путин бүгүн Жакынкы Чыгышка төрт күндүк сапар менен чыкты. Алгач ал Мисирге келип, президент Хосни Мубарак менен Ирактагы абалды, Палестина менен Израил жана Ливан менен Сирия ортосундагы мамилелерди талкуулады. Эртең Путин Израилдин премьер-министри Ариел Шарон менен кездешет жана андан соң Рамалла шаарына барып Палестина автономиясынын төрагасы Махмуд Аббас менен жолугат. Буга чейин бир да орусиялык мамлекет башчы Израилге расмий сапар менен келген эмес.
