Жарадар болгондор саны жүздөн ашты. Багдаддын өзүндө жана анын чеке-бакасындагы райондордо эле дүрмөттөлгөн он үч машина жарылды. Баакуба, Арбил шаарларында жана Багдаддан түндүгүрөөк жердеги америкалыктардын аскер базасында да бир нече жарылуу болду. Интернетте экстремисттердин лидери Абу Мусаба аз-Заркавинин АКШнын Ирактагы күчтөрүнө каршы жаңы кыргын-кырсыктарга үндөгөн чакыргы пайда болду.
