Бүгүн дүйнөдө Басма сөз эркиндигинин күнү белгиленүүдө. Париж шаарында жайгашкан "Чек арасыз репортерлор" деп аталган уюм чыгарган билдирүүдө Ирак, Иран жана мурдагы советтик жумурияттардагы абал сынга алынат. Былтыр Иракта 19 журналист окко учуп, дагы 12 журналист барымтага алынган. Иран болсо журналисттердин түрмөсүнө айланган, былтыр өлкөдө 13 журналист абакка кесилип, дагы 60 адам суракка алынган. Ал эми Орусия, Беларус, Казакстан, Түркмөнстан жана Өзбекстандын жетекчилери "жырткычтар" деп аталган.
