БИШКЕК. Президенттикке талапкерлигин койгон Жеңишбек Назаралиев 3-майда ачык кат жазып, анда президенттин милдетин аткаруучу Курманбек Бакиев жана «Вечерний Бишкек» гезитине каршы доо арыз менен сотко кайрылаарын билдирген. Бакиевдин 29-апрелде «Вечерний Бишкек» гезитине жарыяланган маегинде «бийликке колунда каражаты бар күчтөр умтулууда - алар наркобарондор, кылмыш топтору» деп айтканы менин адамдык беделиме доо кетирди. «Ошондуктан «Вечерний Бишкектен» 1 миллион доллар, Курманбек Бакиевден 50 миллион доллар төлөтүп берүүнү талап кылам», деп жазган ачык катында Жеңишбек Назаралиев.