БИШКЕК. Кыргызстандагы коомдук-саясий кырдаал 4-майда Бишкекте өткөн тегерек үстөлдө талкууланды. Бул тегерек үстөлдө март окуясынын келип чыгыш себептери, артыкчылыктары, өксүктөрү талкууланды. Талкуунун өзөгүн март окуясы ыңкылаппы же козголоңбу, демократияны көздөй жасалган кадамбы же артка чегинүүбү деген өңдүү маселелер түздү. Тегерек үстөлдү «Мекеним-Кыргызстан» жаңы муун кыймылы уюштуруп, ага расмий бийликтин, саясий кыймылдардын, партиялардын, жарандык коомдун жана жаштар уюмдарынын өкүлдөрү катышты.
