БИШКЕК. «Арнамыс» партиясынын кезектеги курултайы 11-майда өткөрүлөт. Курултайда партиянын жетекчиси Феликс Куловду президенттикке көрсөтүү жана уюштуруу иши каралат. Ага өлкөнүн бардык булуң-бурчтарынан делегаттар катышышат. Бул тууралуу партиянын штабынан маалымдашты. «Арнамыс» партиясы 1999-жылы Феликс Кулов тарабынан түзүлгөн. Партиянын саясий кеңешинин мүчөсү Бөдөш Мамырованын айтымында, өлкө боюча партиянын 13 миңден ашуун мүчөсү бар.