Ооганстандагы америкалык аскерлердин жетекчилигинин айтымында, 4-май күнү Кандагар провинциясында америкалык жана Ооганстандын өкмөттүк аскерлери буктурмага кабылгандан сегиз өкмөттүк жоокер окко учту. Кагылышуу башталганда жардамга аскерий учактар чакырылган жана алардын чабуулдарынан жыйырма лашкер жок кылынды. Андан бир күн мурда Забул провинциясында бир нече саатка уланган салгылашуудан 44 адам курман болгон.
