БИШКЕК. Орусия өкмөтү Кыргызстанга жалпы суммасы 10 миллион 200 миң рубль өлчөмүндө гуманитардык жардам берди. Салмагы 21 тонналык бул жардам 9-майда Орусиянын ИЛ-76 үлгүсүндөгү учагы менен «Манас» аэропортуна жеткирилди. Орусиянын Кыргызстандагы элчилигинин кабарлоосуна караганда, бул жардам март ыңкылабынан кийин Орусия өкмөтү тарабынан Кыргызстанга берилген гуманитардык жардамдын үчүнчү бөлүгү.