БИШКЕК. Адам укуктары боюнча президент алдындагы комиссия президенттин милдетин аткаруучу Курманбек Бакиевдин жардыгы менен кайрадан түзүлүп, анын жетекчилигине белгилүү укук коргоочу Турсунбек Акун дайындалды. Бул тууралуу укук коргоочу 10-майда билдирди. Анын айтымында, маяна алуу менен туруктуу түрдө комиссия аппаратында 2-3 киши иштейт. Ал эми комиссия мүчөлүгүнө коомчулукка белгилүү инсандар тартылып, алардын саны 10-15 киши болмокчу. Адам укуктары боюнча президент алдындагы комиссия 1990-жылдардын аягында түзүлүп, анын башчылыгына азыркы Акыйкатчы Турсунбай Бакир уулу дайындалган эле.
