БИШКЕК. 10-майда Кыргызстандын Тышкы иштер министринин милдетин аткаруучу Роза Отунбаеванын Кытайдагы иш сапары башталды. Иш сапар маалында ал Кытайдын Тышкы иштер министри Ли Чжаосин, Мамлекеттик кеңешинин мүчөсү Тан Цзясюан, коммерция, транспорт министрликтеринин өкүлдөрү жана Шанхай кызматташтык уюмунун аткаруучу катчысы Чжан Дэгуан менен жолугушуу белгиленген. Анда соода-экономикалык кызматташуу, авто жана темир жол куруу, билим берүү, бажы жана чек ара маселелери боюнча сөз жүрөт.
