Франциянын Канн шаарында бүгүн кезектеги кинофестивал башталууда, 12 күнгө улана турган мелдешке 14 өлкөнүн 21 кинотасмасы катышат. Мелдештен тышкары фестивалда - Жорж Лукастын "Космос согуштары" деген киноэпосунун алтынчы бөлүгү жана Вуди Аллендин "Жеңишке аракет" деген тасмасы көрсөтүлөт. Калыстар тобу тогуз адамдан турат, аны - Канн фестивалында эки жолу жеңишке жеткен Эмир Кустурица жетектейт. Нобел сыйлыгынын ээси Тони Моррисон дагы жюриге мүчө болуп киргизилген.