Бразилиа шаарында бүгүн Латын Америка менен Араб өлкөлөрүнүн эки күнгө уланган биринчи бийик жолугушуусу аяктады, ага катышкан 34 мамлекеттин өкүлү кызматташууну күчөтүү боюнча декларация кабыл алды. Саммитте бүгүн Ирактын президенти Жалал Талабани чыгып сүйлөп, согушкерлердин Иракта уланып жаткан аракеттерин токтотууга жардам сурады. Жыйынга Палестина автономиясынын төрагасы Махмуд Аббас дагы катышты.