Грузия жетекчилигинин айтымында, кечээ күнү Тбилисиге АКШ президети Жорж Буш келип кеткенден кийин, ал сөз сүйлөгөн аянтта президент турган жерден 40 метр алыстыкта граната табылды. Ал жарылган эмес. Өлкөнүн Улуттук коопсуздук кеңешинин катчысы Гела Бегуашвилинин айтымында, граната зыянсыз болуп чыкты жана президенттер Жорж Буш менен Михаил Саакашвилинин өмүрүнө эч коркунуч түзүлгөн эмес.
