ФСБнын директору Николай Патрушев аталган эки өлкөнүн бейөкмөттүк уюмдары,атап айтканда, америкалык Тынчтык корпусу” менен британдык “Мерлин” фондусу кайрымдуулук озуйпасына жамынып тыңчылык иштерди жүргүзүүдө жана эски совет республикаларында революцияларды даярдап жатат деп айткан эле. Буга байланыштуу АКШнын мамлекеттик департаментинин өкүлү Ричард Баучер Россиянын коопсуздук кызмат башчысы Патрушевдин ырастоолорун калп жана акылга сыйбас айыптар деп атады. Баучер америкалык “Тынчтык корпусуна” орус бийликтери эки өлкөнүн ортосундагы мамилелерди чыңдоого кошкон салымы үчүн 2003-жылы ыраазылык билдиргенин кошумчалады.
