Кечээ күнкү кагылышууда Анжиянда канча адам курман болгону так белгисиз, "Франс пресс" агенттигинин кабарына караганда, өлгөндөрдүн саны элүүдөн ашык, орус маалымат каражаттары 200 деген санды келтирүүдө. Кээ бир күбөлөрдүн айтымында, өлгөндөрдүн денелери жүк ташуучу машине менен алып кетилип жатат. Анжияндагы толкундоолор - апта башында 23 ишкер жигитке каршы сот башталгандыктан чыккан, эл жергиликтүү түрмөнү басып алып, ал 23 адамды жана дагы башкаларды абактан бошотуп жиберген.
