Чеченстан: Мурдакы вице-президент В. Арсанов жок кылынды

Чеченстандын байтакты Грозныйда мурдакы вице-президент Ваха Арсанов “жок кылынганын” ИНТЕР ФАКС агенттиги москвачыл Чечен өкмөтүнө шилтеп маалымдады. Арсанов Чеченстандын мурдакы президенти жана чечен жикчилеринин ана башы Аслан Масхадовго жакын адамдардын бири эле. Ал республикадан россиялык аскерлердин чыгып кетүүсүн үзбөй талап кылып жүргөн.
Арсановдун Чеченстандагы чатакты жөндөө боюнча өтчү сүйлөшүүгө катышаары да айтылып жаткан.