БИШКЕК. Бишкек шаарында үй куруу үчүн ылайыктуу 228,82 га жер аянты, өкмөткө, шаардык бийликке таандык жана менчиктеги курулушу бүтө элек 105 имарат бар. Муну жерди өз алдынча басып алууга байланыштуу түзүлгөн мамлекеттик комиссиянын жумушчу тобу иликтеп, аныктады. Мындай маалымат 16-майда Өкмөт үйүндө өткөн мамлекеттик комиссиянын жумушчу жыйынында ачыкталды. Комиссия жагдайды жөнгө салуу боюнча апрелдин ортосунда түзүлүп, ал бир нече топко бөлүнүп, ишке киришкен. Бул топтор биринчи вице-премьер- министр Медетбек Керимкуловго өткөн бир ай ичинде аткарган иши боюнча отчет берди.
