Израилдин коргоо министри Шаул Мофаз жөөт тарапты минометтон аткылаган Газалык согушчандарды тыйуу үчүн армияга бардык чараны колдонууга буйрук берди. Эки күн мурда Хамастын эки мүчөсү израилдик аскерлер аткан октон өлгөндөн кийин, палестиналык согушчандар Газадагы жана Израилдин чек ара тилкесиндеги жөөт конуштарын минометтон маал-маал аткылашууда. Коргоо министринин орун басары Зев Бойм Газадан жөөт конуштарын пландуу чыгарып кетүүнү согушчандар үзгүлтүккө учуратпашы үчүн, Израил согушчандарга мурдакыдан да катуу сокку урушу шарт деп билдирди.
