БИШКЕК. Президенттик шайлоого талапкер катары катышуу ниетин билдирген арыздарын Борбордук шайлоо комиссиясына өлкөнүн мурунку ички иштер министри, жаңыдан уюштурулган «Акыйкат» партиясынын лидери Кеңешбек Дүйшөбаев жана билим берүү министрлигинин мурунку статс катчысы Гайша Ибрагимова тапшырды. Бул тууралуу 20-майда Борбордук шайлоо комиссиясынан билдиришти. Ал эми экономика, соода жана өнөр жай министри Амангелди Муралиев президенттик шайлоого талапкер катары катышуудан баш тарткандыгын жарыялады.
