Израилдин аскерий жетекчилиги тараткан маалыматка караганда, бүгүн таң эртең менен Газа тилкесиндеги Кфар Даром деген жөөт айылында израилдик күзөткө кол салынганда, бир араб жоокери атып өлтүрүлдү. Үч араб жигит айылга жашыруун кирип, күзөттө турган аскерлерге оор куралдан ок аткан жана жөөт аскерлери ага жооп кайтарган. Мындан үч ай мурда Израил менен Палестина ортосунда ок атышууну токтотуу тууралуу келишим түзүлгөнүнө карабай, куралдуу кагылышуулар дагы эле уланууда.
