БИШКЕК. Сузак районундагы өзбекстандык качкындардын санитардык акыбалы өтө оор. Алардын арасында кургак учук жана башка жугуштуу оорулар менен ооругандар күн сайын көбөйүүдө. Бул тууралуу аталган аймакта жүргөн Төлөйкан Исмаилова билдирди. Анын айтымында, оорулууларды өзүнчө чатырга бөлүү иштери жүргүзүлө баштады. Төлөйкан Исмаилованын айтымында, качкындарга чатыр жетишпейт жана алар таза суу жоктугунан, арыктагы сууга жуунуп жатышат. ЮНИСЕФ эл аралык уюмунун волонтерлору ташып келип аткан таза суу жетишсиз.
