Улуттук телеканал аркылуу чыгып сүйлөп, Жак Ширак эгер конституция четке кагылса, мунун арты Европада талаш-тартышты, күмөн-күдүктөрдү күчөтүп, арасат абалга алып келерин эскертти. Европа конституциянын жакшы вариантын иштеп чыгат деп ишенүү – куру кыял, анткени мындан башка дегеле вариант жок деп айтты Ширак. Жекшембиде, 29-майда франциялыктар жалпы улуттук референдумда добуш беришет. Евроконституцияны колдобогондордун саны шайлоочулар арасында 55 процентке жетет. Эгер долбоор бир эле өлкөдө жактырылбай калса, жалпы союзда күчүнө кирбейт.
