Кечээ жекшемби күнү Түштүк Осетияда болгон аткылашууда беш киши окко учканын Грузия бийликтери маалымдады. Ички иштер министрлигинин билдиришинче, Түштүк Осетиянын борбору Цхинвалиге үч чакырым жердеги Курта кыштагында болгон калабада полициянын бир кызматкери жана төрт тургун өлгөн. Түштүк Осетия 1992-жылдан бери Тбилисинин бийлигин тааныбайт. Аймак азыр Россия, Грузия жана Россиянын курамындагы Түндүк Осетиянын тынчтык күчтөрүнүн көзөмөлүндө.
