БИШКЕК. Шанхай Кызматташтык уюмуна мүчө өлкөлөрдүн мамлекет башчыларынын жыйыны 5-6-июлда Астана шаарында өткөрүлөт. Ага даярдык көрүү максатында аталган уюмга кирген өлкөлөрдүн тышкы иштер министрлеринин жыйыны Казакстанда 3-4-июлда болот. Жыйында мамлекет башчыларынын жолугушуусунда каралуучу маселелер талкууланып, такталат. Ал эми мамлекет башчыларынын жолугушуусу учурунда уюмга кирген өлкөлөрдүн ортосундагы кызматтыштыкты чыңдоо жана аймактагы жана дүйнөдөгү коопсуздук абал боюнча пикир алмашуу болот. Шанхай кызматташтык уюмуна Казакстан, Кыргызстан, Кытай, Орусия, Тажикстан, Өзбекстан өлкөлөрү мүчө.
