БИШКЕК. 26-28-май күндөрү Чүй облусунун Аламүдүн районундагы 5 айылынын тургундары козу карын менен ууланышып, 31-майда алардын саны 30га жетти. Алардын ичинен 12-14 жаш ортосундагы үч өспүрүм каза болуп, бир бала реанимацияда жатат. Козу карын терип жеген атуулдардын айтымында, алар козу карынды жылда терген жеринен эле терип, кууруп жешкен. Ош облусунун Карасуу районундагы Мады айылында да козу карын менен 8 адам ууланып, 7-10 жаштагы үч бала каза болуп калышты. Мамлекеттик санитардык эпидемиология кызматы козу карындарды лабораториялык иликтөөгө киришти.
