АКШнын соода министри Карлос Гутиерез бүгүн Маскөө шаарында орусиялык ишкерлер менен жолугуп, акыркы 15 жылда өлкөдө ишкердикти өнүктүрүү багытында бир топ ийгилик жетишилгени менен, чет элдик инвестицияларды тартууга жетиштүү шарт түзүлө элек деп билдирди. Андан тышкары, америкалык министрдин айтымында, өндүрүүчүлөрдүн уруксатысыз чыгарылган буюмдардын саны Орусияда эбегейсиз өсүп баратат.
