БИШКЕК. Курманбек Бакиев менен Феликс Куловдун өз ара келишими Баш мыйзамга ылайык келбейт. Бул тууралуу экс-спикер Абдыганы Эркебаев 1-июнда өткөн маалымат жыйынында билдирди. Анын айтымында, Кыргызстандын парламенттик республикага өткөнү ылайыксыз. Өлкөгө негизинен күчтүү президент, күчтүү өкмөт, күчтүү сот системасы керек. Эркебаев Конституциялык реформаны колдоорун, мурдакы Баш мыйзамды бузуучулардын бири Кулов болгондугун белгиледи. Ал ошондой эле мурдакы президент Аскар Акаевдин мүлкүн тактоо менен анын жанында жүргөндөрдүн жана азыркы айрым бийликтегилердин да мүлктөрүн иликтеп, сот аркылуу тактоого тийиш экендигин билдирди.
