БИШКЕК. Кадамжай сурма комбинаты 97 миллион сомго казакстандык «АТФ Инвест» компаниясына сатылды. Аталган ишкананы сатуу үчүн уюштурулган тендерге төрт компания катышты жана анын жыйынтыгында Казакстандык компания жеңүүчү деп табылды. Кыргызстандын мамлекеттик мүлктү башкаруу боюнча мамлекеттик комитеттин маалымат кызматынын кабарлоосуна караганда, «АТФ Инвест» ишканасы үстүбүздөгү жылдын биринчи июлуна чейин комбинаттын жумушчуларына айлык акы боюнча карызын толук төлөп, баш аягы он бир жарым миллион доллар инвестиция жасай тургандыгын маалымдады.
