БИШКЕК. Президенттикке талапкерликке расмий каттоодон өткөн атуулдардын баары өз ара макулдашууга кол коюшат. Бул тууралуу 3-июнда Борбордук Шайлоо комиссиясынын төрагасы Туйгунаалы Абдраимов билдирди. Анын айтымында, азыр меморандумдун долбоору ЕККУ, БУУнун Өнүгүү программасы баштаган эл аралык уюмдардын кеңеши жана бейөкмөт уюмдардын катышуусу менен даярдалып жатат. Анда президенттик шайлоодон кийин жеңилип калган талапкер өз шайлоочуларын нааразылык акцияларына үндөп алып чыкпоо жана шайлоо алдында добуш сатып алуу сыяктуу мыйзамсыз иштерге барбоо талабы камтылат.
