Кол салуу коркунучу бар болгондугуна байланыштуу, АКШнын мамдепартаменти Американын Өзбекстандагы элчилигинин кызматкерлери менен алардын үй-бүлөлөрүнө өлкөдөн чыгып кетүүгө көрсөтмө берди. Мамдепартамент тараткан билдирүүдө, АКШнын Өзбекстандагы объекттерине террордук кол салуулар даярдалып жатканы айтылат. Ошондой эле Израиль дагы Өзбекстандагы дипломаттарына өлкөдөн чыгып кетүүгө көрсөтмө берди. 13-майда Анжиянда болгон нааразылык акциялар учурунда аскерлер демонстранттарга ок ачып, андан сандаган адамдар курман болгон.
Мамдепартамент Американын Өзбекстандагы элчилигинин кызматкерлерине өлкөдөн чыгып кетүүгө көрсөтмө берди
