БИШКЕК. Жалалабад шаарына жакын жайга көчүрүлгөн өзбекстандык бозгундарга эч ким жолотулбай, качкындар лагери аскерлер тарабынан кайтарылууда. Түштүк регионалдык миграция кызматынын өкүлү Мирлан Акамбаев билдиргенге караганда, 6- июнга чеийн качкындар лагерине эч кимди киргизбөө тууралуу буйрук берилген. Өзбекстандык 480 адам 4- июнда Сузак районунун Бараш аймагынан Сузактын Турпакбел участкасына көчүрүлүп, тигилген чатырлардын саны мурдагыдан эки эсеге көбөйгөн. Бозгундарды көчүрүүгө БУУнун качкындар комиссариаты да катышкан. Бул маалыматты жекшембиде Жалалабад облустук ички иштер башкармалыгы да тастыктады.
