БИШКЕК. Мамлекеттик «Учкун» акционердик коомунун төрагалыгына Алмаз Абыкеев шайланды. Мындай маалымат Жогорку Кеңештин депутаты, «Учкун» ишканасынын мурдагы жетекчиси Каныбек Иманалиевден бейшемби күнү алынды. Анын айтымында, Алмаз Абыкеев 8-июнда өткөн акционерлер жыйынында тандалып алынды. Жаңы төрага буга чейин Дүйнөлүк Банктын долбоорлорунун биринде, Ысыката райондук администрация башчысынын орун басарлык кызматында иштеген.
