БИШКЕК. Июнь айынын орто ченинде Кыргыз Республикасынын жалпы атуулдук паспорту бериле баштайт. Бул тууралуу өкмөттүн басма сөз кызматынан 11-июнда билдиришти. Алардын маалымдаганына караганда, Англиянын “Де-Ла-Ру” компаниясы чыгарган 10 миң нускадагы паспорт алынып келинген. Ал паспорттор биринчи кезекте чет мамлекеттерге окууга жана ишке баруучуларга, чет өлкөгө барып дарылана турган оорулууларга, элчиликтин кызматкерлерине берилиши күтүлүүдө. Ал эми паспорттун баасы өкмөт тарабынан такталат.
