БИШКЕК. “Кыргызстанда алдыда болуучу президенттик шайлоого кайсы мамлекеттен болсо да эл аралык байкоочуларга чек коюлбайт”,-деп билдирди Борбордук шайлоо комиссиясынын төрагасы Туйгуналы Абдраимов 11-июнда донор мамлекеттердин жана эл аралык уюмдардын өкүлдөрү менен болгон жолугушууда. Анда ЕККУнун Бишкектеги борборунун башчысы Маркус Мюллер, БУУнун Өнүктүрүү программасынын Кыргызстандагы өкүлү Ежи Скуратович , АКШнын Кыргызстандагы элчилигинин жана бир катар эл аралык уюмдардын өкүлдөрү Кыргызстанда болуучу президенттик шайлоого донордук жардам көрсөтүлөөрүн маалымдашты.
