Атом энергетикасы боюнча эл аралык агенттик МАГАТЭнин башчылыгына үчүнчү мөөнөткө шайланган Мохаммед эл- Барадейинин бүгүнкү билдирүүсүнө караганда, Иран өзүнүн уранды байытуу программасы боюнча жетиштүү маалымат бере алган жок. Анын айтымында, Иран уюмду кошумча документтер менен камсыз кылды, бирок бул калган бир нече суроого жооп алуу үчүн жетишсиз. Байытылган уранды өзөктүк курал жасоодо колдонууга болот. МАГАТЭнин башчысы Тегеранды уюмдун эксперттери анын айрым өзөктүк жайларын кайра текшерүүсүнө жол берүүгө чакырды.
МАГАТЭнин кайра шайланган башчысы Иранды аскерий жайларына уюмдун инспекторлорунун кирүүсүнө жол берүүгө чакырды
