БИШКЕК. 18-июнда Бишкекте Максим Горький атындагы аянчада темир жолчулардын 7-июнда башталган ачкачылык акциясы улантылды. Учурда темир жол башкармалыгынын 7 кызматкери ачкачылыкта отурат. Пикетчилердин айтымында, бул күнү Бишкек шаарынын ички иштер бакшкармалыгынын кызматкерлери аларга эскертүү жасап, тарап кетүүлөрүн талап кылышты. Нааразылык чарада отургандар башкармалыктын жетекчилигине адисти дайындоо, азыркы башчысы Кыдыкбек Исаевди, унаа жана коммуникация министри Ишенбай Кадырбековду кызматынан четтетүү талаптары менен турушат.
