БИШКЕК. Урмат Барыктабасовдун Бишкектеги үйүнөн бир автомат, эки броножилет жана гранаталар табылды. Бул тууралуу Бишкек шаардык ички иштер башкармалыгынын жетекчиси Өмүрбек Субаналиев 18-июнда “Азаттыкка” билдирди. Анын айтымында 17-июнда Бишкекте башаламандыкты уюштуруп, өкмөт үйүн басып алууга аракет кылгандардын үстүнөн кылмыш иши козголуп, тергөө жүрүүдө. Ал эми аны уюштуруучулардын айрымдары Бишкектен кармалып, айрымдары Кыргызстандын аймагынан чыгып кетишкен.