БИШКЕК. Акаев жана анын жакындарына таандыгы бар деп шектелген юридикалык тараптардын ишмердүүлүгүнө киргизилген чектөөлөр 1-июлдан тарта толук алынып салынат. Ага негиз берген жардыкка президенттин милдетин аткаруучу кол койду. 24-марттагы ыңкылаптан кийин Акаевдин жакындарына таандыгы бар деп шектелген ишкана-мекемелердин саны 42 болгон. Бирок Данияр Үсөнов жетектеген мамлекеттик комиссиянын ишинин жүрүшүндө андай ишканалардын саны 177 жеткен. Жардыкка ылайык кылмыш иш козголбогон ишканалардан гана ар кандай чектөөлөр алынмакчы.