БИШКЕК. Президенттик шайлоодон кийин үстүбүздөгү жылдын 24-мартында кечинде талап-тоноочулуктан жабыр тарткан ишкерлерге мамлекеттин эсебинен акча төлөнүп бериле баштайт. Бул тууралуу вице-премьер-министр Данияр Үсөнов журналистерге билдирди. Анын айтымында, бул максатта өкмөт 15 миллион сом, Бишкек мэриясы 700 миң сом каражат бөлдү. Мындан сырткары талоончулукка учураган ишкана ээлери салык төлөмдөрүн белгилүү убакытка төлөбөөгө уруксат алышты. Өкмөт тарабынан бөлүнгөн каражат шаар мэриясы тарабынан бөлүштүрүлмөй болду.
