БИШКЕК. Европа парламенти ушул жылдын сентябрь айында Кыргызстанга каржы жана техникалык жактан жардам көрсөтүү маселесин карайт. Бул тууралуу Европарламенттин делегациясынын жетекчиси Альберт Йан Маат маалымат жыйынында билдирип, Европа Биримдиги Борбор Азия, анын ичинде Кыргызстан менен өз ара кызматташуусун жакшыртуусу керек экендигин белгиледи. Анын айтымында, Европа Биримдиги президенттик шайлоодон кийин эми Кыргызстанда демократияны өнүктүрүү милдетин алдыга коет.
