БИШКЕК. Курманбек Бакиевди президенттик кызматка шайланышы менен 11-июлда Казакстан жана Өзбекстан президенттери куттуктаган. Нурсултан Назарбаевдин куттуктоосунда, Курманбек Бакиевдин ишине ийгилик каалоо менен эки мамлекеттин боордоштук жана теңдик негиздеги кызматташуусу мындан ары өнүгөөрүнө ишенич билдирилсе, Ислам Каримовдун куттуктоосунда жүздөгөн жылдардан бери уланып келаткан бир туугандык байланыш, кызматташуу жана жардамдашуу эки мамлекеттин мамилесинин негизин түзө берерине бекем ишенич билдирилген.
