Бейрут шаарынын христиандар жашаган аймагында бүгүн эртең менен бомба жарылып, Ливандын коргоо министри Элиас Ал-Мурр жараат алды. Бир адам курман болуп, бир нече киши жапа чеккен. Министр - өлкө президенти Эмиле Лахуддун күйө баласы жана эки саясатчы тең кошуна Сирияга ыкташ саясат жүргүзөт. Үстүбүздөгү жылдын 14-февралында Бейрутта мурдагы премьер-министр Рафик ал-Харири өлтүрүлгөндөн кийин өлкөдө элдик толкундоолор башталган.
