Кызматынан кетип жаткан АКШнын Орусиядагы элчиси Александр Вершбоу бүгүн Маскөө шаарында Америкалык соода палатасында өткөн жыйында чыгып сүйлөп, Орусиянын өнүгүүсүнө коррупция, мыйзамга баш ийбөөчүлүк жана эбегейсиз бюрократия тоскоол болууда деп билдирди. Вершбоу элчи болуп Маскөөгө 2001-жылы келген жана мөөнөтү аяктады, анын ордуна ким дайындалаары азырынча белгисиз.
