БИШКЕК. 23-июлда Бишкектеги Октябрь кинотеатрында Кыргызстан Элдик Кыймылынын кезектеги курултайы болот. Анда кыймылдын Конституциялык реформа, өлкөнүн экономикалык саясаты боюнча программасы жана партиялык тизме боюнча парламенттик шайлоого даярдык көрүү маселеси талкууланат. Бул тууралуу кыймылдын лидерлеринин бири Виктор Черноморец билдирди. Анын айтымында, КЭКтин лидери Курманбек Бакиев президент болуп шайланганга байланыштуу ал төрагалык кызматтан бошотулат жана анын ордуна жаңы лидер шайланат. Андан сырткары Кыргызстан Элдик Кыймылын «Кыргызстан» саясий кыймылы деп түзүү маселеси да курултайда каралмакчы.
