Мисир өкмөтүнүн басма сөз өкүлү Магди Ради 19-июлда билдиргенге караганда, Каир шаарында өткөн аптада кармалган Магди эл-Нашардын Лондон шаарындагы жардырууларга дагы, "ал-Каида" аттуу террордук уюмга да тийешеси жок. Эл-Нашар Британиянын Лидс шаарындагы университетте биохимик болуп иштеген жана Лондондогу террор аракеттери 7-июлда ишке ашырылаар алдында өлкөдөн чыгып кеткен, британ полициясынын айтымында, анын Лидстеги үйүндө жарылуучу заттар табылган.