АКШ Сенатынын аскерий маселелер боюнча комитетинде кечээ күнү өлкөнүн биргелешкен аскерий ордосунун башчысынын орун басары генерал Питер Пэйс билдиргенге караганда, Ирактын полиция күчтөрүнүн жарымы гана өкмөткө каршы аракеттенген согушкерлер менен күрөшүүгө жөндөмдүү. Анын айтымында, Ирактын өкмөттүк аскерлери дагы азырынча алсыз жана анын үчтөн экиси өз милдеттерин толук аткара албайт. АКШ өкмөтүнүн айтымында, америкалык аскерлер Ирактын куралдуу күчтөрүн машыктырып бүтмөйүнчө өлкөдөн чыгарылбайт.
