БИШКЕК. Кыргызстандыктардын 85 пайызы жакырчылыкта жашайт. Мындай адамдардын катарына тамактанууга жетиштүү каражаты жок атуулдар кирет. Ал эми минималдык керектөө себетинин өлчөмү азыркы кезде 1400 сомду түзөт, деп билдирген эмгек жана социалдык коргоо министринин милдетин аткаруучу Алевтина Проненко. Бул тууралуу «Кабар» маалымат агенттиги маалымдады. Министрлик жакырчылыкты кыскартуу жана чакан, орто ишкерликти өнүктүрүүгө аракет кылууда. Андан сырткары жакыр үй-бүлөлөргө насыя бөлүп берүүгө министрлик даяр, деп белгилеген Алевтина Проненко.
