БИШКЕК. Ички иштер министринин буйругу менен Бишкек шаардык милициясынын башчылыгына Молдомуса Конгантиев дайындалды. Бул тууралуу 26-июлда министрликтин маалымат кызматынан кабарлашты. Шаардык милициянын мурунку башчысы Өмүрбек Суваналиев саясий себептерге байланыштуу кызматтан кеткендигин өткөн жумада билдирген эле. Анын айтымында, эгерде Бишкектеги Түндүк шайлоо округу боюнча Жогорку Кеңештин депутаттыгына ат салышуу жарыяланса, анда ал мына ошол округдан шайлоого катышууга ниеттенүүдө.
